Naxçıvan Dövlət Universiteti Azərbaycanın ali təhsil ailəsinin öndə gedən üzvlərindən biridir. Universitetimiz çox yönlərə malik olan Naxçıvan Muxtar Respublikasının əsas elm, təhsil və ictimai fikir mərkəzlərindəndir. Strukturuna və fəaliyyətinə görə Naxçıvan Dövlət Universitetini klassik universitet adlandırırlar. Naxçıvan Dövlət Universiteti azərbaycançılıq, milli dövlətçilik və dünya universitetləri ilə geniş əlaqələr quran Naxçıvan Dövlət Universiteti Avrasiya məkanında çağdaş universitet kimi qəbul olunur. Universitetimizdə tədris prosesində və elmi-tədqiqat işlərinin təşkilində ən yeni informasiya texnologiyalarından geniş şəkildə istifadə olunur. Zəngin maddi texniki bazamız və kadr potensialımız XXI əsrin üstün tələblərə malik olan prinsiplərinə uyğun gələn yüksək ixtisaslı mütəxəssislər hazırlamağa tam təminat verir.